Du treng:

• 1 pose med Nonstop
• 130 gram sukker
• 90 gram brunt sukker
• 1 egg
• 185 gram mjukt margarin
• 260 gram kveitemjøl
• 1 ts salt
• 1/2 ts natron

Slik gjer du:

Kutt opp smøret i terningar, og lat det stå på kjøkkenbenken for å bli romtemperert.

Bland saman sukker, brunt sukker og egg. Ha deretter i smøret, kveitemjøl, salt og natron. Bland dette godt.
Til slutt har du oppi ein heil pose med Nonstop.

Kle eit steikebrett med bakepapir og fordel kaker utover brettet. Kakene vil flyte utover, ha dermed stor avstand mellom kakene.

Steik kakene på 180 grader i ca. 10 minutt. Lat det avkjøla heilt.
Dersom ein prøver å flytte på dei mens dei er nysteikte så er det stor sjanse for at dei knekker.

 

Du treng:

• 4 dl kefir
• 5 ss Sukker
• 2 egg
• 1 ts natron
• 4 dl Kveitemjøl

Ha kefir, sukker og egg i ein bolle, og visp saman. Bland i det øvrige og rør til det blir ein klumpfri røra.

Eg har steikt dei på ei takkeplate, men ein kan fint bruke steikepanna òg. Då bør denne vere teflonbelagt.

Eg har ikkje brukt feitt på steiketakka når eg har steikt desse, og det trur eg ikkje du skal trenge ved steiking i steikepanna heller.

Servèr nysteikte lappar med sylta eller brunost på. Nydelig godt.

Kan frysast òg.

 

Kjelde: https://www.detsoteliv.no/oppskrift/lapper
( i denne oppskrifta står det at du skal ha hornsalt, men eg har brukt utan, og det funker nett like godt)

 

 

 

Du treng: 

• 1 pakke frossen butterdeig
• 1 pakke vaniljekrem
• 1 pakke makronfyll
• Skolda mandlar
• Perlesukker
• 1 egg

Slik gjer du:

Lat butterdeigen kvila på kjøkkenbenken ein halvtimes tid før du begynne, slik at dei får tint seg.

Når butterdeigen er tint, så legger du to butterdeiger etterkvarandre på langs, med ein liten overlapp. Slik at du får ein lang butterdeig.
Då skal du få 3 remser på eitt brett – Sjå bilete ovenfor (der mangler eine remsa)

Så tar du ein skarp kniv og snitte ca. 0,5 cm inn frå kanten og nedover langs kanten, men ikkje skjær igjennom, berre snitt forsiktig.

Så blander du makronfyllet etter anvisning på bakken. Fordel makronfyllet nedover i midten på butterdeigen, ikkje så breidt som på bilete, kanskje.

Så tar du vaniljekrem, rør gjerne litt nedi vaniljekrem-pakken slik at den blir litt mjuk. Og så fordeler du vaniljekremen nedover på utsida av makronfyllet. Det er vaniljekremen som er god, så du kan godt vere litt raus med vaniljekremen.

Pensle kantane med eitt egg, og strø perlesukker og skolda mandlar over heile butterdeigen.

Steik på 200 grader i 20-25 minutt

Kjelde: https://www.godt.no/oppskrift/8444/enkel-wienerstang 

Mjølkekaker, fantastisk god tradisjonsmat.
Noko av det besta eg veit. Og så enkelt å laga.
Dette er besta si oppskrift, og den er berre heilt fantastisk 🙂

Du treng:

• 4 ss sukker
• 4 egg
• 1 liter mjølk
• ca. 8-9 dl mjøl
• 1 ts. kardemomme

Denne oppskrifta gjer ca. 30-35 kaker.
Det er fullt mogeleg og halvere oppskrifta, f.eks. dersom du skulle få kaffibesøk på kort varsel.

 

Du byrjar med å piske sukker og egg, til ein fin liten eggedosis.
Tilsett mjølk, og bland.
Deretter prøver du deg fram med mjøl. Husk å få røra klumpefri.
Tilsett 1 ts. kardemomme.
(røra skal vera rennande, men ikkje som vatn)

La røra svelle i ca. 15 minutter.
Mens røra sveller, så setter du på steiketakka, slik at det blir skikkelig oppvarma.
Sett den gjerne på full varme, og juster heller ned til halvvarme når du skal steika.
(Her òg må du prøva deg fram).

Når det er tid for å steika, så tar du ei ausa og heller oppå litt på takko.
Bruk auso til å jevna den ut.

Legg mjølkekakene delvis oppå kvarandre, som takheller, for at dei skal halde seg mjuke.

Det er lov å tjuvsmake litt når ein står og steikjer.
(dei nysteikte smaker nemleg aller best!)

Veldig fin kaffimat, smør litt smør på kako, brett kako i to, og del den i to.
Brett dei to halvpartane ytterlegare ein gong.
Servèr med godt syltetøy.

Eller slik som me vaks opp med, når me var små.
Smør og sukker på 🙂

Men for all del husk å smør på «Retto»!!!
Dvs. den mørkaste sido. Den mjukaste sido skal vera ytterst.
Sånn at når du tygg, så skal tenna dine treffa den mjuka sido.

 

Holder seg på kjøkkendisken i 2-3 dagar.
Kan til nød frysast, men dei er best nysteikte 😀

Desse karamellane tar meg òg tilbake til barndommen.
Kjempe gode, og kjempe lette og laga.

Du treng:

• 1 ss Steikesmør
• 4 ss Sukker
• 8 tjukke Brunostskiver
• 2 ts Kakao
• 3 ss Mjølk

Smelt smørklatten

Ha oppi sukkeret og mjølke, og lat det smelte litt.

Ha oppi brunostskivene, og lat det smelte.
Forsiktig, der svir seg lett i botnen av kjelen. Rør heile tida!

Rør inn kakaoen.

Hell det over på ei langpanna kledd med bakepapir.
Lat det stivne og skjær opp.

 

(Tips: Skjær opp i firkantar før det har stivna skikkeleg)

Sirkusbollar..  Gode til å ha attåt kaffien.
Kjempe lett og kjempe godt 🙂 Minnar mest om barndommen, og barneskulen.
Laga sånne kvart år på barneskulen i forbindelse med OD-dagen.
Så for å mimra litt, så laga eg desse.

Du treng

• 1,5 dl Sukker
• 1 ss Vanilesukker
• 4 dl Havregryn
• 2 ss Kakao
• 3 ss Kald Kaffi
• Kokosmasse

 

Bland alt saman i ein bolle. Prøv deg ut med kaffien, du skal kna deigen og rulle dei til små kuler.
Får du ikkje deigen til å festa seg, så ha oppi litt meir kaffi. Deigen skal ikkje vera blaut, men du skal allikevell klare å lage dei til små kuler.

Rull dei deretter i kokosmasse
(eg fekk ikkje kokosmassen til å hekta seg på sirkusbollane mine, men det skal dei eigentleg gjera. Kanskje ein bør prøva å rulla dei i kokosmasse med ein gong du har rulla dei til ei kula, eg rulla alle til kuler, og prøvde deretter å rulla dei i kokos. Det fungerte dårleg.)

Og vips, så har du noko til å ha attåt kaffien 🙂